Ձմեռը հաջողությամբ հաղթահարելու համար Ուկրաինային անհրաժեշտ է ևս 5 միլիարդ խորանարդ մետր գազ
Ուկրաինական UNIAN լրատվական գործակալության փոխանցմամբ՝ Ուկրաինայի ստորգետնյա գազապաստարաններում պահվում է մոտ 16.5 միլիարդ խորանարդ մետր գազ, սակայն աշնանային ու ձմեռային սեզոնները հաղթահարելու համար երկրին անհրաժեշտ է հավելյալ 4-5 միլիարդ խորանարդ մետր գազ:
Այս մասին հայտարարել է Ուկրաինայի էներգետիկայի ու ածխային արդյունաբերության նախարար Յուրի Պռոդանը: Նա մանրամասնել է, որ խոսքը գնում է սեպտեմբեր-մարտ ամիսների մասին:
Նախարարն ընդգծել է, որ իրենք հուսով են մեկ ամսվա ընթացքում իրենց ստորգետնյա գազապաստարաններում պահվող գազի ծավալը ԵՄ-ի հաշվին համալրել ևս 1.2 միլիարդ խորանարդ մետրով:
