Հայաստանի ու Ադրբեջանի արտգործնախարարներն այսօր Նյու Յորքում կհանդիպեն համանախագահներին
Նյու Յորքում այսօր տեղի է ունենալու Հայաստանի ու Ադրբեջանի արտգործնախարարների հանդիպումը ԵԱՀԿ Մինսկի խմբի համանախագահների հետ: Այս մասին Twitter-ի իր միկրոբլոգում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը.
«Այսօր Նյու Յորքում ակնկալվում է Հայաստանի ու Ադրբեջանի արտգործնախարար հանդիպում և Ղարաբաղյան հակամարտության շուրջ քննարկում»:
Սրանից առաջ Ադրբեջանի արտգործնախարար Էլմար Մամեդյարովը լրագրողներին հայտնել էր, որ Նյու Յորքում ընթացող ՄԱԿ ԳԱ-ի 69-րդ նստաշրջանի շրջանակներում հանդիպելու է Հայաստանի արտգործնախարար Էդվարդ Նալբանդյանի ու ԵԱՀԿ Մինսկի խմբի համանախագահների հետ:
