«Իսլամական պետությունը» խոստացել է վրեժխնդիր լինել Սիրիայում իր դիրքերին ամերիկյան ավիահարվածաների համար
Բրիտանական Reuters լրատվական գործակալության փոխանցմամբ՝ «Իսլամական պետության» զինյալները հայտարարել են, որ մտադիր են պատասխանել Սիրիայի տարածքում իրենց վերահսկած տարածքներին ամերիկյան ավիահարվածներին:
Խմբավորման անդամներն ընդգծել են, որ տեղի ունեցածի համար մեղադրում են ոչ միայն ամերիկացիներին, այլև՝ Սաուդյան Արաբիայի իշխանություններին, որոնք չեն խոչընդոտել Սիրիան ռմբակոծելու Արևմուտքի մտադրություններին:
Ոչ վաղ անցյալում Սաուդյան Արաբիան տվել էր իր համաձայնությունը՝ սիրիական չափավոր ընդդիմության անդամների համար ուսումնական բազայի ստեղծմանը, որոնց ԱՄՆ-ը հուսով է նախապատրաստել, սպառազինել և ուղարկել «Իսլամական պետության» դեմ պատերազմին:
