Իսրայելը կործանել է իր օդային սահմանը խախտած Սիրիայի ռազմաօդային ուժերի ինքնաթիռը
Թուրքական Star թերթի փոխանցմամբ՝ Իսրայելը կործանել է իր օդային սահմանը խախտած Սիրիայի ռազմաօդային ուժերի ինքնաթիռը: Միջադեպը գրանցվել է Գոլանի բարձունքներում: Իսրայելի ՀՕՊ-ը սիրիական ինքնաթիռը կործանել է Patriot զենիթա-հրթիռային համալիրի օգնությամբ:
Այս մասին հայտնել է Իսրայելի բանակը, որը չի ներկայացրել միջադեպի մասին այլ մանրամասներ: Կործանված ինքնաթիռի մոդելը հայտնի չէ: Սա վերջին 25 տարում նմանատիպ առաջին դեպքն է, որ Իսրայելի ՀՕՊ-ը կործանում է սիրիական ինքնաթիռը:
