ԵՄ-ը սեպտեմբերի 30-ին կարող է դիտարկել Ռուսաստանի դեմ պատժամիջոցների վերանայումը
Ռուսական Коммерсантъ թերթի փոխանցմամբ՝ ԵՄ-ը սեպտեմբերի 30-ին կարող է սկսել Ռուսաստանի դեմ սահմանված պատժամիջոցների վերանայումը: Այս մասին թերթին հայտնել են ԵՄ-ի կառույցներում նրա աղբյուրները: Համապատասխան որոշումն ընդունվելու է Բրյուսելում ԵՄ-ի երկրների մշտական ներկայացուցիչների մակարդակով:
Մինչ այդ ԵՄ-ի անդամ երկրների արտգործնախարարները պետք է զեկույց ներկայացնեն Ուկրաինայում հակամարտության կարգավորման համաձայնագրի կատարման մասին:
Զեկույցին ծանոթանալուց հետո մշտական ներկայացուցիչները պետք է որոշեն, թե ինչպես վարվեն Ռուսաստանի դեմ սահմանված պատժամիջոցների պարագայում: Թերթի աղբյուրը չի բացառել, որ կարող է ընտրվել սահմանափակումներն աստիճանաբար վերացնելու տարբերակը:
