Հրապարակվել են Շոտլանդիայի անկախության հանրաքվեի վերջնական արդյունքները
BBC News-ի փոխանցմամբ` հրապարակվել են Շոտլանդիայի անկախության մասին երեկ անցկացված հանրաքվեի վերջնական արդյունքները: Բոլոր քվեների հաշվարկից հետո պարզվել է, որ Շոտլանդիայի անկախության օգտին քվեարկել է 1.617.989 մարդ` 44.7 տոկոս:
Դեմ է արտահայտվել 2.001.926 մարդ` 55.3 տոկոս: Քվեարկության մասնակցության ցուցանիշը կազմում է 84.59 տոկոս: Անկախության կողմնակիցները հաղթել են 32 օկրուգից միայն 4-ում, այդ թվում նաև Գլազգոյում: Այդպիսով, հաղթելու համար անկախության կողմնակիցներին չի բավականացրել 191.969 քվե:
