Վրաստանում չի լինի քաղաքական որևէ ճգնաժամ. Գարիբաշվիլի
Новости-Грузия լրատվական գործակալության փոխանցմամբ` Վրաստանի վարչապետ Իրակլի Գարիբաշվիլին, մեկնաբանելով նախագահ Գեորգի Մարգվելաշվիլու հետ կառավարության հարաբերություններում առկա լարվածությունը, խոստացել է, որ երկրում չի լինի քաղաքական ճգնաժամ.
«Շատ ցավալի է, որ նմանատիպ ներքին խոսակցություններին ու նամակագրությանը հաղորդվում է հանրային հնչեղություն: Հուսով եմ, որ կկարգավորվեն այդ հարաբերությունները: Ես երաշխավորում եմ, որ երկրում չի լինի քաղաքական որևէ ճգնաժամ»:
Ներկայումս որոշվել է, որ Նյու Յորք մեկնող վրացական պատվիրակությունը գլխավորելու է Գարիբաշվիլին, ով սեպտեմբերի 22-ին ելույթ կունենա ՄԱԿ ԳԱ-ի նիստում: Գարիբաշվիլին նաև մի շարք երկկողմ հանդիպումներ է անցկացնելու ԱՄՆ-ում:
