ԱՄՆ-ն Ուկրաինային հատկացնելու է մեկ միլիարդ դոլարի ֆինանսական երաշխիք
Lenta.ru-ի փոխանցմամբ` ԱՄՆ-ն Ուկրաինային հատկացնելու է մեկ միլիարդ դոլարի ֆինանսական երաշխիք: Այս մասին Ուկրաինայի նախագահ Պյոտր Պորոշենկոն գրել է իր ֆեյսբուքյան էջում: Նա ընդգծել է, որ ԱՄՆ-ի կողմից ընդլայնվելու է անվտանգության ապահովման հարցում Ուկրաինային օգնելը.
«ԱՄՆ-ի նախագահը վստահեցրել է, որ մենք ունենք ոչ միայն հավատարիմ անձնական ընկեր, այլև` ընկեր ԱՄՆ-ի ժողովրդի տեսքով: Ամերիկան ներկայումս Ուկրաինայի ժողովրդի հետ է»:
Սրանից առաջ հաղորդվել էր, որ Պորոշենկոյի ամերիկյան այցի արդյունքներով պայմանավորվածություն է ձեռք բերվել Ուկրաինային 53 միլիոն դոլար հատկացնելու մասին, որոնցից 46 միլիոն դոլարն ուղղվելու է երկրի զինված ուժերի աջակցմանն ու անվտանգության ապահովմանը: Մնացյալ 7 միլիոն դոլարը կհատկացվի հումանիտար կազմակերպություններին` օգնելու համար Դոնբասի հակամարտության հետևանքով տուժածներին:
