«Սա ոչ միայն Հայոց ցեղասպանությունը դատապարտող քայլ էր, այլև դուռ է փակում այլ ցեղասպանությունների համար»
«Ցեղասպանության դատապարտման գործընթացը նոր թափ է առնում և դա անշրջելի է»,- այսօր ԱԺ-ում լրագրողներին հայտարարեց ԱԺ փոխխոսնակ Էդուարդ Շարմազանովը:
Նա նշեց, որ ողջունել է Հունաստանի խորհրդարանի կողմից Հայոց ցեղասպանության ժխտումը քրեականացնող օրենքի ընդունումը, շնորհակալություն հայտնել հույն գործընկերներին, ովքեր կողմ են քվեարկել օրինագծին:
Ըստ Շարմազանովի՝ սա ոչ միայն Հայոց ցեղասպանությունը դատապարտող քայլ էր, այլև դուռ է փակում այլ ցեղասպանությունների համար:
Է.Շարմազանովը նշեց, որ հանդիպումների ժամանակ ինքը շտապեցրել նաև ֆրանսիացի խորհրդարանականներին՝ համանման օրինագիծ ընդունելու հետ կապված. «Հանդիպել եմ Ֆրանսիայի խորհրդարանում սոցիալիստական խմբակցության հետ և վստահեցրել են, որ այդ օրենքը կընդունվի և, ինչքան էլ ճնշումներ լինեն, իրենք կողմնակից են»:
