Ուկրաինայից մոտ 144.000 փախստական դիմել է ՌԴ Դաշնային միգրացիոն ծառայությանը. Մեդվեդև
Ռուսական ИТАР-ТАСС լրատվական գործակալության փոխանցմամբ՝ Ռուսաստանի վարչապետ Դմիտրի Մեդվեդևը մասնակցել է Ռուսաստանում ուկրաինացի փախստականների խնդիրներին առնչվող հատուկ խորհրդաժողովի:
Մեդվեդևը հայտարարել է, որ Ուկրաինայից մոտ 144.000 փախստական դիմել է Ռուսաստանի Դաշնային միգրացիոն ծառայությանը՝ ստանալու համար աշխատանքի հետ կապ չունեցող կարգավիճակ. «Ավելի վաղ մեզ մոտ դարձյալ ժամանել են Ուկրաինայի՝ մեծ թվով քաղաքացիներ, սակայն այս 144.000-ը նրանք են, ովքեր դիմել են աշխատանքի հետ չկապված կարգավիճակի համար»:
Մեդվեդևի խոսքերով՝ ներկա դրությամբ Ուկրաինայի՝ ավելի քան 38.000 քաղաքացի ձևակերպում են իրենց փաստաթղթերը՝ Ռուսաստանի տարածքում ժամանակավոր ապաստան ստանալու համար: Մեդվեդևը հավելել է, որ Ռուսաստանի կառավարությունը 4 միլիարդ և 940 միլիոն դոլար է հատկացրել ուկրաինացի փախստականների խնդիրների լուծման համար:
