Գազայի հատվածի դեմ ռազմական գործողությունների ժամանակ զոհված իսրայելցի զինծառայողների թիվը հասել է 27-ի
France-Presse լրատվական գործակալության փոխանցմամբ՝ իսրայելցի երկու զինվոր է զոհվել Գազայի հատվածում: Այս մասին հայտարարել է Իսրայելի պաշտպանական բանակը:
Դրանով իսկ իսրայելցի զինվորականների կողմից Գազայի հատվածի դեմ իրականացվող «Անխախտ ժայռ» գործողության ժամանակ զոհված իսրայելցի զինծառայողների թիվը հասել է 27-ի: Այդ գործողությունը մեկնարկել է հուլիսի 7-ին: Հուլիսի 20-ի երեկոյան Իսրայելն ընդլայնել է նաև ցամաքային ռազմական գործողությունը:
Հայտարարության համաձայն, ևս երեք իսրայելցի զինվոր գիշերային մարտերի ժամանակ ստացել են ծանր վնասվածքներ: Նախօրեին Իսրայելի հայտնել էր երկու ամերիկացիների զոհվելու մասին, որոնք ծառայում էին Իսրայելի պաշտպանական բանակում: Պաղեստինցիների կորուստները հասնում են մոտ 600-ի, իսկ վիրավորների թիվը՝ ավելի քան 3500 մարդ:
