Էլմար Մամեդյարովն ընդունել է Ռիչարդ Մորնինգսթարին
Ադրբեջանական APA լրատվական գործակալության փոխանցմամբ՝ Ադրբեջանի արտգործանախարար Էլմար Մամեդյարովն այսօր ընդունել է Բաքվում ԱՄՆ դեսպան Ռիչարդ Մորնինգսթարին՝ կապված նրա դիվանագիտական գործունեության ժամկետի ավարտի հետ:
Այս մասին հայտնել է Ադրբեջանի ԱԳՆ-ի մամլո ծառայությունը: Հանդիպման ժամանակ կողմերն ամփոփել են երկկողմ հարաբերությունների զարգացման ուղղությամբ կատարած քայլերը և կարծիքներ են փոխանակել մի շարք ոլորտներում համագործակցության հեռանկարների շուրջ:
Հիշեցնենք, որ սրանից առաջ էլ Մորնինգսթարի հետ հրաժեշտի հանդիպում էր ունեցել Ադրբեջանի նախագահ Իլհամ Ալիևը:
