Իլհամ Ալիևն ընդունել է Ռիչարդ Մորնինգսթարին
Ադրբեջանական APA լրատվական գործակալության փոխանցմամբ՝ Ադրբեջանի նախագահ Իլհամ Ալիևն այսօր ընդունել է ԱՄՆ-ի դեսպան Ռիչարդ Մորնինգսթարին՝ կապված երկրում նրա դիվանագիտական գործունեության ավարտի հետ:
Հանդիպման ժամանակ ընդգծվել է երկու երկրների միջև տնտեսական և այլ ոլորտներում կապերի հաջող զարգացումը, կարևորվել է էներգետիկ ոլորտում տևական համագործակցությունը:
Բացի այդ, կողմերը կարծիքներ են փոխանակել երկկողմ հարաբերությունների ներկայիս իրավիճակին ու հեռանկարներին առնչվող հարցերի շուրջ: Մորնինգսթարն Ադրբեջանը լքում է օգոստոսին:
Հիշեցնենք, որ օրեր առաջ ԱՄՆ նախագահ Բարաք Օբաման Ադրբեջանում ԱՄՆ-ի դեսպանի պաշտոնում ներկայացրել էր Ֆրենսիս Սեկուտայի թեկնածությունը:
