«Ռ-Էվոլյուցիա»-Թողարկում 77
Գիտելիքի, կրթության, գիտելիքահենք տնտեսության և գիտելիքի հետ կապված բազմաթիվ այլ ասոցիացիաների մասին Հայաստանում խոսում են շատ-շատերը: Որպես կանոն՝ նրանք, ովքեր իրենց արժեքային համակարգով, աշխարհայացքով, գործունեությամբ օրգանական կապ չունեն ոչ գիտելիքի, ոչ էլ կրթության հետ:
Կրթության նկատմամբ հանրային վերաբերմունքն, ըստ էության, քիչ է տարբերվում կրթության մասին ուղերձներ հղող պաշտոնյաների մոտեցումներից: Երկու դեպքում էլ կարևորվում է ձևը՝ բովանդակության հաշվին:
Մյուս կողմից, վերջին տարիներին Հայաստանում փորձեր են արվում ստեղծել միջազգային չափանիշներին համապատասխանող կրթական հաստատություններ, որոնցից մեկի՝ ABBYY ընկերության փոխնախագահ, «Այբ» կրթահամալիրի նորանշանակ տնօրեն Արամ Փախչանյանի հետ է մեր զրույցը Հայաստանի կրթական ոլորտի խնդիրների ու զարգացման հեռանկարների մասին:
