Իրաքի քրդական ինքնավարությունը խզել է իր բոլոր կապերը պաշտոնական Բաղդադի հետ. մամուլ
Թուրքական Milliyet թերթի փոխանցմամբ՝ Հյուսիսային Իրաքի քրդական ինքնավարության ղեկավարությունը խզել է պաշտոնական Բաղդադի հետ իր բոլոր կապերը: Դա տեղի է ունեցել այն բանից հետո, ինչ Իրաքի վարչապետ Նուրի ալ-Մալիքին քրդական ինքնավարության ղեկավարությանը մեղադրել է զինյալներին աջակցելու մեջ:
Էրբիլը (քրդական ինքնավարության կենտրոն) քուրդ դիվանագետներին, որոնք ինքնավարությունը ներկայացնում են Իրաքի կենտրոնական կառավարութունում, կոչ է արել լքել Բաղդադը:
Իրաքի վարչապետ Նուրի ալ-Մալիքին նախօրեին քրդական ինքնավարության ղեկավար Մասուդ Բարզանիին մեղադրել է ահաբեկիչներին աջակցելու մեջ: Մալիքիի խոսքերով՝ Բարզանիի այն խոսքերը, որ «ներկայումս Իրաքում ամեն ինչ նորովի է», վկայում է, որ վարչակազմը սերտ կապեր ունի «Իսլամական պետություն» խմբավորման հետ:
Վերջինիս կողմից Իրաքում մասշտաբային հարձակում ձեռնարկելուց հետո զգալիորեն վատթարացել են Բաղդադի ու Էրբիլի փոխհարաբերությունները:
