ԵՄ-ի «սև ցուցակում» ընդգրկվել է Ռուսաստանի ու Ուկրաինայի ևս 11 քաղաքացի
Բրիտանական Reuters լրատվական գործակալության փոխանցմամբ՝ ԵՄ-ը երեկ որոշել է ընդլայնել Ուկրաինայում տիրող իրավիճակի հետ կապված պատժամիջոցների իր ցուցակը: Դրանում հայտնվել է Ռուսաստանի ու Ուկրաինայի ևս 11 քաղաքացի:
Գործակալության դիվանագիտական աղբյուրը հայտնել է, որ այդ ցուցակը հիմնականում բաղկացած է ուկրաինացի անջատողականներից: Եվրոպական պատժամիջոցների տակ ընկածների անունները հայտնի կդառնան առաջիկա օրերին: ԵՄ-ի որոշումն ամենայն հավանականությամբ ուժի մեջ կմտնի շաբաթ:
Արգելվել է այդ անձանց մուտքը ԵՄ, իսկ նրանց եվրոպական ակտիվները սառեցվել են:
