Տիմոշենկոյի գործով անարդար վճիռ կայացրած դատավորին սպառնում է մինչև 8 տարվա ազատազրկում
ZN.UA-ի փոխանցմամբ՝ Ուկրաինայի ՆԳՆ-ը դատախազությունից հետո հետախուզում է հայտարարել դատավոր Ռոդիոն Կիրեևի նկատմամբ, ով «գազային գործով» կայացրել է նախկին վարչապետ Յուլյա Տիմոշենկոյի դատավճիռը:
Կիրեևը մեղադրվում է Ուկրաինայի ՔՕ 375-րդ հոդվածի 2-րդ կետը (անարդար դատավճիռ կայացնել) խախտելու մեջ: Դրա համար նրան սպառնում է 5-8 տարվա ազատազրկում:
Ուկրաինայի ՆԳՆ-ը հետախուզում է հայտարարել Կիրեևի նկատմամբ՝ ընդգծելով, որ նա ուժայինների տեսադաշտից չքացել է հուլիսի 2-ին: Դեռ հստակեցված չէ նրա նկատմամբ խափանման միջոցի տիպը:
