Դուբայում կառուցելու են աշխարհի խոշորագույն առևտրային համալիր Mall of the World-ը (տեսանյութ)
France-Presse լրատվական գործակալության փոխանցմամբ՝ Դուբայում կարող է հայտնվել «քաղաք», որում կարգավորվելու է ջերմաստիճանը: Պլանավորված է դրանում կառուցել աշխարհի խոշորագույն առևտրային համալիրը, ինչպես նաև այգի, հյուրանոցներ, առողջարաններ ու թատրոններ:
Ներկա դրությամբ աշխարհի խոշորագույն առևտրային համալիրը նույնպես գտնվում է Դուբայում: Չնայած դրան՝ այժմ պլանավորված է կառուցել Mall of the World-ը: Վերջինիս տարածքը կազմելու է 4.45 միլիոն քառակուսի մետր: Այս մասին հայտնել են Dubai Holding-ի ներկայացուցիչները, որոնց խոսքերով՝ համալիրը կլինի ապակեպատ գմբեթով և կունենա օդորակիչներ, որոնք կգործեն ամռանը:
Դեռ հայտնի չէ, թե երբ կմեկնարկի ու երբ կավարտվի համալիրի կառուցումը: Dubai Holding-ի ներկայացուցիչներըկարծում են, որ Mall of the World-ը կարող է տարեկան գրավել ավելի քան 180 միլիոն այցելուի:
