Մերկելը կասկածի տակ է դրել ԱՄՆ-ի հետ համագործակցության հեռանկարները
Բրիտանական Reuters լրատվական գործակալության փոխանցմամբ՝ եթե հաստատվեն այն տեղեկությունները, որ գերմանական BND հետախուզության աշխատակիցն ամերիկյան լրտես է, ապա դա կասկածի տակ դնի ԱՄՆ-ի հետ գործընկերային հարաբերությունների հեռանկարները:
Նման հայտարարություն Պեկինում լրագրողների հետ զրույցում արել է Գերմանիայի կանցլեր Անգելա Մերկելը: Ավելի վաղ Գերմանիայի դատախազությունը հայտարարել էր, որ 31-ամյա գերմանացուն կասկածում են օտար (ԱՄՆ-ի) հետախուզական ծառայությունների օգտին լրտեսություն կատարելու մեջ:
Հիշեցնենք, որ դրանից հետո Բեռլինում ԱՄՆ դեսպան Ջոն Էմերսոնը կանչվել էր Գերմանիայի ԱԳՆ, իսկ Գերմանիայի նախագահ Յոահիմ Գաուկը հայտարարել էր, որ ԱՄՆ-ը խաղում է Գերմանիայի բարեկամության ու դաշնակցային հարաբերությունների հետ:
