ԱՄՆ-ը խաղում է Գերմանիայի բարեկամության ու դաշնակցային հարաբերությունների հետ. Գաուկ
Գերմանական ZDF հեռուստաալիքի փոխանցմամբ՝ Գերմանիայի նախագահ Յոահիմ Գաուկը մեկնաբանել է գերմանական հետախուզությունում ամերիկյան լրտեսի շուրջ ծագած նոր սկանդալը. «ԱՄՆ-ը խաղում է Գերմանիայի բարեկամության ու դաշնակցային հարաբերությունների հետ:
Եթե իրականում պարզվի, որ հատուկ ծառայությունները դրանով իսկ հավաքագրել են մեր հետախուզության աշխատակցին, ապա անհրաժեշտ է ասել՝ վերջ, բավական է»:
Գերմանիայի իշխանությունները հինգշաբթի ձերբակալել են BND-ի 31-ամյա աշխատակցի, որը խոստովանել է, որ ԱՄՆ-ի Ազգային անվտանգության գործակալությանը փոխանցել է այնպիսի տեղեկատվություն, որն առնչվել է բունդեսթագի հատուկ հանձնաժողովի գործունեությանը:
Այդ հանձնաժողովը զբաղվում էր Գերմանիայում ամերիկյան խոշորագույն հատուկ ծառայությունների գործունեության հետաքննմամբ: Ուրբաթ Գերմանիայի ԱԳՆ էր կանչվել Բեռլինում ԱՄՆ-ի դեսպան Ջոմ Էմերսոնը՝ պարզաբանումներ տալու համար:
