Թուրքիայում գյուլենական դպրոցները հատկացվել են Կրթության նախարարությանը
Haqqin.az պորտալի փոխանցմամբ` Թուրքիայում բոլոր մասնավոր դպրոցները, որոնք պատկանում էին գյուլենական շարժմանը, դրվել են Թուրքիայի կրթության նախարարության հաշվեկշռի վրա: Այս մասին հայտնում են թուրքական ԶԼՄ-ները:
Նրանց հաղորդմամբ` այդ դպրոցները (դերսհանե) այժմ անվանվելու են բազմածրագրային վարժարաններ և որպես այդպիսին` սկսելու են գործել 2018-2019 ուսումնական տարուց:
Հիշեցնենք, որ սրանից առաջ էլ հաղորդվել էր, թե Թուրքիայի կառավարությունը գյուլենականների դեմ պայքարի շրջանակներում պատրաստում է հատուկ միջոցների փաթեթ:
