Գիտնականները պարզել են, թե ինչու է ավարտվել սառցե վերջին ժամանակաշրջանը
Paleoceanography պարբերականի փոխանցմամբ` Խաղաղ օվկիանոսի հյուսիսային հատվածի խորքերից ածխածնի երկօքսիդի (СО2) հզոր արտանետումն այնքան ուժեղ է տաքացրել մոլորակը, որ դա հանգեցրել է վերջին սառցե ժամանակաշրջանի ավարտին:
Դա տեղի է ունեցել մոտ 17.000 տարի առաջ: Գիտնականները պարզել են, որ արևելաասիական մուսոններն ու չափավոր լայնությունների ցիկլոնների ուղին փոխել են տեղումների քանակը Խաղաղ օվկիանոսի հյուսիսային հատվածում:
Այն ժամանկ մակերևութային ջրերը դարձել են ավելի աղի ու ավելի պակաս անհանգիստ, իսկ օվկիանոսի խորքում ձևավորվել է խիտ և աղի խորքային ջրերի զանգված: Այդ գործընթացների արդյունքում օվկիանոսից մթնոլորտ առատորեն արտանետվել է ածխածնի երկօքսիդ:
Գիտնականները ելակետային տվյալները ստացել են 3648 մետր խորությունից դուրս բերված խեցիների ուսումնասիրությունից հետո:
