Չինաստանը հաջողությամբ ընդլայնում է ատոմային ստորջրյա նավատորմը. The Washington Times
The Washington Times թերթի փոխանցմամբ` վերջին շրջանում Պեկինը հասկացնել է տվել, որ, կարծես թե, ունի նոր սերնդի ատոմային սուզանավի փորձնական օրինակ, որը նախատեսված է միջուկային հարվածներ հասցնելու համար:
Ատոմային սուզանավի փորձնական մոդելը, որն ունակ է կրել միջուկային մարտական լիցք, Չինաստանի ժողովրդա-ազատագրական բանակի ռազմածովային ուժերի տրամադրության տակ է հայտնվել Ցինդաոյում:
Այս մասին Ռազմավարական գնահատականների միջազգային կենտրոնում հրապարկած իր զեկույցում գրել է վերլուծաբան Ռիկ Ֆիշերը: Նրա խոսքերով` այդ մոդելը ծայրահեղ դեպքում հնարավորություն է տալիս որոշակի պատկերացում կազմել ատոմային սուզանավի նոր դասի մասին:
Մոդելի լուսանկարներն առաջին անգամ հրապարակվել են ապրիլին` չինական ռազմածովային կոնֆերանսի ժամանակ: Ֆիշերի խոսքերով` Ասիայում ռազմական աղբյուրները հայտնում են, որ մինչև 2020 թվականը Չինաստանում կարող է շարք մտնել Type-093s տիպի 6 սուզանավ և Type-095s տիպի երկու նոր սուզանավ:
