Իրանը երբեք թույլ չի տա, որ իրագործվելու Իրաքը մասնատելու Իսրայելի պլանը. Աբդոլահիան
Իրանական Fars լրատվական գործակալության փոխանցմամբ` Իրանը երբեք թույլ չի տա, որ իրագործվի Իսրայելի պլանը, ինչն ուղղված է Իրաքի մասնատմանը: Այս մասին հայտարարել է Իրանի արտգործնախարարի` արաբական ու աֆրիկյան հարցերով տեղակալ Հոսեին Ամիր Աբդոլահիանը:
Նրա խոսքերով` Իրաքում անջատողական շարժումն ու ահաբեկչության աճը կարող են ազդել Իրանի վրա: Աբդոլահիանն ընդգծել է, որ իրենք Իրաքում հակամարտության սկսվելուց ի վեր` ուղիներ են փնտրում երկիրը ճգնաժամից դուրս բերելու ուղղությամբ.
«Եթե Իրաքն օգնություն խնդրի մեզ ահաբեկչության դեմ պայքարում, ապա Իրանը պատրաստ է օգնել զենքի մատակարարմամբ` գործելով միջազգային իրավունքի շրջանակներում»: Աբդոլահիանը հերքել է այն տեղեկատվությունը, թե Իրանի արտգործնախարարը մոտ ժամանակներս պլանավորել է այցելել Սաուդյան Արաբիա:
