ԱՄՆ-ը դադարեցրել է F-35 կործանիչների թռիչքները
Բրիտանական Reuters լրատվական գործակալության փոխանցմամբ՝ ամերիկացի զինվորականներն ամբողջովին դադարեցրել են Lockheed Martin կորպորացիայի արտադրած հինգերորդ սերնդի F-35 կործանիչների թռիչքները: Թռիչքները կվերսկսվեն անհրաժեշտ ստուգումների ավարտից հետո:
Նման որոշում է կայացվել Ֆլորիդայի ավիաբազայում ինքնաթիռներից մեկի հետ գրանցված միջադեպից հետո: Հունիսի 23-ին, երբ F-35-ի օդաչուն պատրաստվել է թռիչքի, այրվել է Pratt & Whitney ընկերության արտադրած շարժիչը: Օդաչուն սակայն չի տուժել: Պենտագոնը դեռ չի պարզել հրդեհի պատճառը:
