«Սիրիական էլեկտրոնային բանակը» կոտրել է ՑԱԽԱԼ-ի թվիթերյան էջը
Իսրայելական Haaretz թերթի փոխանցմամբ՝ «Սիրիական էլեկտրոնային բանակի» ցանցահենները կոտրել են Իսրայելի պաշտպանության բանակի (ՑԱԽԱԼ) թվիթերյան էջը: Դա տեղի է ունեցել երեկ երեկոյան, երբ դրանում հայտնվել է հետևյալ հաղորդագրությունը.
«Ուշադրությո՛ւն: Դիմոնի միջուկային օբյեկտի վրա երկու հրթիռի ընկնելուց հետո տարածաշրջանում հնարավոր է ռադիացիայի արտահոսք»: Դրանից հետո հայտնվել է մեկ այլ գրություն. «Կեցցե՛ Պաղեստինը»: Գրառումները ջնջնվել են րոպեներ անց, սակայն այդ ընթացքում բազմաթիվ մարդիկ են կարդացել դրանք:
ՑԱԽԱԼ-ի ներկայացուցիչները հաստատել են թվիթերյան էջի կոտրումը և ներողություն են խնդրել տեղի ունեցածի համար՝ խոստանալավո ամեն կերպ պայքարել նման երևույթների դեմ: ՑԱԽԱԼ-ի թվիթերյան էջը կոտրելու պատասխանատվությունն ստանձնել է «Սիրիական էլեկտրոնային բանակը», ով այդ մասին գրել է իր էջում:
