Մենք չպետք է սխալ ազդանշաններ հղենք Ռուսաստանին. Ալասանիա
Грузия Online-ի փոխանցմամբ՝ Վրաստանի պաշտպանության նախարար Իրակլի Ալասանիան հայտարարել է, որ Վրաստանի կառավարությունը պետք է ակտիվացնի իր ջանքերը եվրաատլանտյան ինտեգրման ճանապարհին:
Ալասանիայի խոսքերով՝ «Արևելյան գործընկերության» անդամ երկրները պատրաստ են աջակցել Վրաստանին և դա մեծ կարևորություն ունի իրենց համար. «Դրա հետ մեկտեղ մենք չպետք է սխալ ազդանշաններ հղենք Ռուսաստանին, որոնք կարող են հանգեցնել իրավիճակի սխալ ըմբռնմանը:
Ինչպես ընդգծել է վարչապետը, մենք կառուցողական հարաբերություններ ենք հաստատել Ռուսաստանի հետ և չպետք է նրան առիթ ընձեռենք ՝ իրավիճակի էսկալացման համար:
Սակայն այնպիսի սկզբունքային հարցերը, ինչպիսին է Վրաստանի տարածքային ամբողջականության վերականգնումը, պետք է լուծվեն անպայմանորեն, և մենք չենք նահանջի դրանցից»:
