Իրաքը Ռուսաստանից ստացել է մարտական ինքնաթիռների առաջին խմբաքանակը
Ռուսական Интерфакс լրատվական գործակալության փոխանցմամբ` Իրաքը Ռուսաստանից ստացել է մարտական ինքնաթիռների առաջին խմբաքանակը: Խոսքը գնում է «Սուխոյ» ընկերության Сy-125 տիպի հինգ կործանիչի մասին, որոնք կօգտագործվեն «Լևանտում ու Իրաքում իսլամական պետություն» խմբավորման զինյալների դեմ պայքարում:
Ավելի վաղ Ռուսաստանում օգտագործված այդ կործանիչները վայրէջք են կատարել իրաքյան ռազմական օդանավակայաններում և շարք կմտնեն օրեր անց: Առկա տեղեկատվության համաձայն, Իրաքի կառավարությունն այդ ինքնաթիռները գնել է 500 միլիոն դոլարանոց պայմանագրի շրջանակներում:
Ռուսական մի շարք ԶԼՄ-ներ հայտնել են, որ Իրաքում վայրջք է կատարել «Սուխոյ» ընկերության 10 կործանիչ: Իրաքի պաշտպանության նախարարությունը հայտարարել է, որ Ռուսաստանից ստացված մարտական ինքնաթիռները կնպաստեն երկրի ռազմաօդային ուժերի մարտունակության բարձրացմանը:
