Գարիբաշվիլին հուսով է, որ Ասոցացման համաձայնագիրն ուժի մեջ կմտնի սեպտեմբերին
Новости-Грузия լրատվական գործակալության փոխանցմամբ` Վրաստանի վարչապետ Իրակլի Գարիբաշվիլին հուսով է, որ ԵՄ-ի հետ երեկ ստորագրված Ասոցացման համաձայնագիրն ուժի մեջ կմտնի սեպտեմբերին: Որպեսզի փաստաթուղթը մտնի ուժի մեջ, անհրաժեշտ է, որ այն վավերացվի Վրաստանի խորհրդարանի կողմից:
Վրաստանը պլանավորել է այն վավերացնել ամռան ընթացքում: Դրա հետ կապված` Վրաստանի խորհրդարանը պետք է օգոստոսին անցկացնի արտահերթ նիստ: Գարիբաշվիլին հայտարարել է. «Խորհրդարանը վավերացնելու է համաձայնագիրը, մենք կլինենք առաջինը, ով կանցկացնի այդ գործընթացը: Ես կարծում եմ, որ պայմանագիրն ուժի մեջ կմտնի սեպտեմբերին»:
