Իրաքում բենզինի դեֆիցիտ է՝ կապված խոշորագույն նավթավերամշակման գործարանի կորստի հետ
BBC News-ի փոխանցմամբ՝ սուննի զինյալները հայտարարել են Բաղդադից հյուսիս ընկած Բայջի քաղաքում գտնվող Իրաքի խոշորագույն նավթավերամշակման գործարանը վերջնականապես գրավելու մասին: Գործարանը պաշտպանող կառավարական զորքերը վայր են դրել զենքը և բանակցություններից հետո մարտադաշտը լքել են առանց զենքի:
«Լևանտում ու Իրաքում իսլամական պետություն» խմբավորման զինյալները 10 օր գրոհել են գործարանը, սակայն այն պաշտպանող կառավարական զորքերի ստորաբաժանումներին հաջողվել է երեք անգամ հետ մղել հարձակումը: Նավթավերամշակման գործարանի տարածքում մարտերը հանգեցրել են երկրում բենզինի դեֆիցիտի գրանցմանը:
