Զարիֆը հնարավոր է համարում մինչև հուլիսի 20-ը Իրանի միջուկային ծրագրի շուրջ վերջնական համաձայնագրին հասնելը
Իրանական Fars լրատվական գործակալության փոխանցմամբ՝ Իրանի արտգործնախարար Մոհամմադ Ջավադ Զարիֆը Թեհրանում հայտարարել է, որ եթե «Վեցյակի» երկրները բավական լրջորեն ընդունեն բանակցությունների հարցը, ապա կարելի է հասնել Իրանի միջուկային ծրագրի շուրջ վերջնական համաձայնագրին.
«Եթե մյուս կողմը բարյացակամություն ցուցաբերի առաջիկա բանակցություններում, ապա կարելի է մինչև հուլիսի 20-ը հասնել վերջնական համաձայնագրին: «Վեցյակի» երկրները պետք է ցուցաբերեն նույնպիսի վճռականություն ու լրջություն, ինչպես որ նախորդ ամիս ցուցաբերել է իրանական կողմը»:
Զարիֆն ընդգծել է, որ Թեհրանը չի ցանկանում որևէ այլ բան, քան իր օրինական իրավունքներն են: Նախորդ շաբաթ Վիեննայում Իրանի ու «Վեցյակի» միջև անցկացվել են բանակցությունների հինգերորդ փուլը:
