Իրաքում ընթանում է քաղաքացիական պատերազմ. Դավութօղլու
Թուրքական Sabah թերթի փոխանցմամբ` Թուրքիայի արտգործնախարար Ահմեթ Դավութօղլուն հայտարարել է, որ Իրաքում ընթանում է քաղաքացիական պատերազմ: Դավութօղլուի խոսքերով` ներկա դրությամբ Իրաքում տիրող իրավիճակը չի կարող որևէ կերպ ազդել Թուրքիայի վրա:
Դավութօղլուն ընդգծել է, որ բոլոր երկրները պետք է համագործակցեն միմյանց հետ ահաբեկչության դեմ պայքարում: Սրանից առաջ Թուրքիայի էներգետիկայի ու բնական պաշարների նախարար Թաներ Յըլդըզը հայտարարել էր, որ Իրաքում տիրող իրավիճակն ազդում է Թուրքիայի վրա և կարող է առաջացնել նավթային դեֆիցիտ:
