Թբիլիսիում տեղի է ունեցել Հայաստանի ու Վրաստանի նախագահների հանդիպումը
Грузия Online-ի փոխանցմամբ՝ այսօր Թբիլիսիի նախագահական նստավայրում տեղի է ունեցել Հայաստանի ու Վրաստանի նախագահներ Սերժ Սարգսյանի ու Գեորգի Մարգվելաշվիլու հանդիպումը: Այն նախ անցել է տետ-ա-տետ ձևաչափով, ապա շարունակվել է ընդլայնված կազմով:
Վրաստանի նախագահի աշխատակազմի հաղորդմամբ՝ հանդիպման ժամանակ նախագահները քննարկել են երկու երկրների միջև հարաբերությունների լայն շրջանակ և ապագա համագործակցության հեռանկարները:
Նախագահները քննարկել են տնտեսական ու ենթակառուցվածքային նախագծերը, կրթության առնչվող հարցեր, ուշադրություն են հատկացրել զբոսաշրջային ու մշակութային ոլորտներում համագործակցության հեռանկարներին:
