Պորոշենկոն փոխում է Պուտինին վիրավորած արտգործնախարարի պաշտոնակատարին

Ռուսական Интерфакс լրատվական գործակալության փոխանցմամբ՝ Ուկրաինայի նախագահ Պյոտր Պորոշենկոն Գերագույն ռադայի դիտարկմանն է ներկայացրել երկրի արտգործնախարարի պաշտոնում Պավել Կլիմկինի նշանակման հարցը: Կլիմկինը 2012 թվականի հունիսից զբաղեցնում է Գերմանիայում Ուկրաինայի դեսպանի պաշտոնը:

Ուկրաինայի Սահմանդրության համաձայն, երկրի նախագահը Գերագույն ռադային է ներկայացնում արտաքին գործերի ու պաշտպանության նախարարների թեկնածությունները: Պորոշենկոն միաժամանակ գրանցել է Ուկրաինայի արտգործնախարարի պաշտոնակատարի պաշտոնից Անդրեյ Դեշչիցայի ազատման մասին որոշման նախագիծը: