«Լուսավոր խոսքեր» ու հանդիմանանքներ՝ ԱԺ լսումների ժամանակ
Այսօր Ազգային ժողովում էլեկտրաէներգիայի սակագնի բաձրացման հետ կապված խորհրդարանական լսումները հերթական «լեզվամարտի» հարթակ հանդիսացան: ԱԺ փոխխոսնակ Հերմինե Նաղդալյանը գովեստի խոսքեր շռայլեց ՀԾԿՀ նախագահ Ռոբերտ Նազարյանի հասցեին, ինչի հանդեպ անտարբեր չմնաց ՀԱԿ խմբակցության ղեկավար Լևոն Զուրաբյանը և նկատեց, որ «լուսավոր» խոսքեր հնչեցին:
«Պարոն Զուրաբյանը ներկայացնում է քաղաքական այն ուժը, որ լրիվ իրավունք ունի մեզ կշտամբելու, որովհետև ինքը մտածում է, որ հայ ժողովուրդն արդեն մոռացել է մութ ու ցուրտ տարիները»,- շտապեց հակադարձել Հ.Նաղդալյանը:
ՀԱԿ պատգամավոր Արամ Մանուկյանն էլ իր հերթին ամոթանք տվեց, թե չի կարելի հաղթանակի տարիների մութ ու ցուրտի հետ կապված մեղադրանքներ ներկայացնել, այն էլ քաղաքական մեծամասնության կողմից:
