Բառոզուն չի կարծում, թե ՌԴ-ը կխոչընդոտի ԵՄ-ի ու Վրաստանի միջև Ասոցացման համաձայնագրի ստորագրմանը
Ռուսական ИТАР-ТАСС լրատվական գործակալության փոխանցմամբ՝ Եվրահանձնաժողովի նախագահ Ժոզե Մանուել Բառոզուն Վրաստանում վստահություն է հայտնել, որ հունիսի 27-ին ԵՄ-ի ու Վրաստանի միջև Ասոցացման համաձայնագրի ստորագրումը չի խանգարի ռուս-վրացական հարաբերությունների կարգավորման գործընթացին.
«Ես չեմ ակնկալում, որ Ռուսաստանը կխոչընդոտի համաձայնագրի ստորագրմանը: Դա համաձայնագիր չէ ընդդեմ Ռուսաստանի, և մենք կարծում ենք, որ չկան համաձայնագրին խոչընդոտելու համար ո՛չ քաղաքական, ո՛չ էլ տնտեսական պատճառներ:
Կարծում եմ, որ Ազատ առևտրի մասին համաձայնագրից կշահի ողջ տարածաշրջանը: Ես կարծում եմ, որ Ռուսաստանի կառավարությունը լավ է հասկանում դա: ԵՄ-ին Վրաստանի ինտեգրումն ու նշված համաձայնագրի ստորագրումը ոչ մի կերպ չեն խանգարում Վրաստանի ու Ռուսաստանի հարաբերությունների կարգավորմանը»:
