Բառոզուն Ռուսաստանին կոչ է արել չպատժել Մոլդովային՝ կապված ԵՄ-ի հետ Ասոցացման համաձայնագիր ստորագրելու հետ
Ռուսական Rosbalt լրատվական գործակալության փոխանցմամբ՝ Եվրահանձնաժողովի նախագահ Ժոզե Մանուել Բառոզուն Քիշնևում Ռուսաստանին կոչ է արել միջոցներ չձեռնարկել Մոլդովայի նկատմամբ՝ կապված ԵՄ-ի հետ Ասոցացման համաձայնագիր ստորագրելու հետ.
«Ասոցացման համաձայնագիրը դրական համաձայնագիր է, ինչը նշանակում է, որ այն լրացնում է Մոլդովայի հետ հաստատված միջազգային հարաբերությունները, չի մրցակցում ու չի միջամտում Մոլդովայի ու նրա յուրաքանչյուր այլ գործընկերոջ, այդ թվում նաև Ռուսաստանի հետ հարաբերություններին:
ԵՄ-ի ու Մոլդովայի միջև Ասոցացման համաձայնագիրն ամբողջովին համատեղելի է Քիշնևի ու ԱՊՀ-ի միջև ազատ առևտրի գոտու առկայության հետ»: ԵՄ-ն ու Մոլդովան պլանավորել են Ասոցացման համաձայնագիրը Բրյուսելում ստորագրել հունիսի 27-ին:
