Իրաքի ռազմաօդային ուժերն ավիահարվածներ են հասցրել Մոսուլը գրաված զինյալներին
Թուրքական Dünya Bülteni լրատվական կենտրոնի փոխանցմամբ՝ Իրաքի ռազմաօդային ուժերը սկսել են ավիահարվածներ հասցնել Մոսուլը գրաված «Լևանտում ու Իրաքում իսլամական պետություն» խմբավորման զինյալներին: Այս մասին հայտնել է Իրաքի պետական հեռուստատեսությունը:
Զինյալները պաշարել են Բայջիում գտնվող Իրաքի խոշորագույն նավթավերամշակման գործարանը, որը դեռ գտնվում է կառավարական զորքերի վերահսկողության տակ: Իսկ ահա Քիրքուքում իր վերահսկողությունն է հաստել Փեշմերգան՝ Հյուսիսային Իրաքի քրդական ինքնավարության բանակը:
Իրաքի ռազմաօդային ուժերը երեկ ժամը 17.20-ի մոտ Տիկրիտ քաղաքից դեպի հյուսիս ընկած տարածքում ավիահարվածներ են հասցրել զինյալներին: Դրա արդյունքում սպանվել են մեծ թվով զինյալներ:
