Աստված չէր կարող լինել ամենուր, այդ իսկ պատճառով ստեղծել է մայրերին. հրեական ասացվածքներ
Ասացվածքներում խտացված է ժողովուրդների իմաստնությունը: Դրանք բյուրեղանում են դարերի ընթացքում եւ արտահայտում տվյալ ժողովրդի աշխարհընկալումն ու մտածելակերպը: Ստորեւ ներկայացվում են հրեական մի շարք հայտնի ասացվածքներ.
Ադամն առաջին երջանիկն էր, քանի որ զոքանչ չուներ:
Եթե խնդիրը հնարավոր է լուծել փողի միջոցով, ուրեմն դա խնդիր չէ, այլ ծախս:
Աստված մարդուն երկու ականջ եւ մեկ բերան է տվել, որպեզի նա շատ լսի եւ ավելի քիչ խոսի:
Աստված թող ձեզ պահպանի վատ կանանցից, իսկ լավերից ինքներդ կփրկվեք:
Աստված չէր կարող միաժամանակ լինել ամենուր, այդ իսկ պատճառով ստեղծել է մայրերին:
Մի եղիր քաղցր, այլապես քեզ կխժռեն, մի եղիր դառը, այլապես քեզ դուրս կշպրտեն:
Բոլորը դժգոհում են փողի բացակայությունից, իսկ խելքի բացակայությունից ոչ ոք չի դժգոհում:
Ձուկն ու հյուրը երեք օրից սկսում են հոտել:
Քո մահվանը երկու հոգի չի հավատա. նա, ով սիրում է քեզ եւ նա, ով ատում է քեզ:
Տեր Աստված, օգնիր ինձ ոտքի կանգնել, ընկնել ինքս էլ կարող եմ:
Երբ անելիք չկա, ձեռնամուխ են լինում մեծ գործերի:
Մարդիկ փորձ են անվանում իրենց սխալները:
Սպիտակ մազերը ծերության նշան են, ոչ թե իմաստնության:
Մարդը պետք է ապրի թեկուզ հանուն հետաքրքրասիրության:
