Հայաստանը 100 հազար դոլարի օգնություն հատկացրեց Սերբիային
ՀՀ կառավարությունը Սերբիային հատկացնում է 100,000 ԱՄՆ դոլարին համարժեք դրամ: Այս մասին որոշումն այսօր ընդունվեց գործադիրիր նիստում: ՀՀ ԱԳՆ փոխնախարար Սերգեյ Մանասարյանը միայն նշեց, որ գումարը հատկացվում է օգնություն ցուցաբերելու նպատակով:
Գումարը ՀՀ ԱԳՆ-ին կհատկացվի 2014 թվականի պետական բյուջեով նախատեսված կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Դրամաշնորհներ օտարերկրյա պետություններին» հոդվածով):
