Իրանի ու ԱՄՆ-ի բանակցություններն անցել են կառուցողական մթնոլորտում. Արաղչի
Իրանական IRNA լրատվական գործակալության փոխանցմամբ՝ երեկ Ժնևում տեղի են ունեցել Իրանի ու ԱՄՆ-ի ներկայացուցիչների բանակցությունները, որոնք տևել են 5 ժամ: Այս մասին հայտարարել է Իրանի փոխարտգործնախարար Աբբաս Արաղչին, որի խոսքերով՝ բանակցություններն անցել են կառուցողական և դրական մթնոլորտում:
ԱՄՆ-ի ու Իրանի բանակցություններն անցել են ԵՄ-ի մասնակցությամբ: Բանակցություններում իրանական կողմը ներկայացրել է փոխարտգործնախարար Աբբաս Արաղչին, ամերիկյան կողմը՝ ԱՄՆ փոխպետքարտուղարներ Ուիլյամ Բեռնսն ու Ուենդի Շերմանը, իսկ ԵՄ-ը՝ նրա դիվանագիտության ղեկավար Քեթրին Էշթոնն ու վերջինիս տեղակալ Հելգա Շմիդտը:
Իրանն ու Ֆրանսիան վաղն ուղիղ, երկկողմ բանակցություններ են վարելու Իրանի միջուկային ծրագրի շուրջ: Այդ մասին հայտարարել է Ֆրանսիայի արտգործնախարար Լորան Ֆաբիուսը:
