ՌԴ-ի, ԵՄ-ի ու Ուկրաինայի գազային բանակցությունները կանցկացվեն հունիսի 9-ին
Ռուսական Интерфакс լրատվական գործակալության փոխանցմամբ` Ռուսաստանը, Ուկրաինան ու ԵՄ-ը գազի խնդրի շուրջ հերթական անգամ կբանակցեն հունիսի 9-ին Բրյուսելում: Այս մասին այսօր հայտնել է Ռուսաստանի էներգետիկայի նախարարության մամլո ծառայությունը.
«Պլանավորված է, որ եռակողմ հերթական բանակցություններն անցկացվելու են վաղը երեկոյան, Բրյուսելում»: Ուկրաինան վաղը ռուսական կողմին ներկայացնելու է գազային հարցի փաթեթային կարգավորում. հազար խորանարդ մետր գազի դիմաց 268.5 դոլար, ինչից հետո կլուծվի պարտքի մարման հարցը:
