Պուտինն ու Օբաման կարճատև զրույց են ունեցել Նորմանդիայում
Rosbalt լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը Նորմանդիայում դաշնակցային զորքերի ափհանման 70-ամյակին նվիրված տոնական միջոցառումների շրջանակներում կարճ զրույց է ունեցել ԱՄՆ նախագահ Բարաք Օբամայի հետ: Նրանց զրույցը տևել է 10-15 րոպե:
Այս մասին հայտարարել է Ռուսաստանի նախագահի մամլո քարտուղար Դմիտրի Պեսկովը. «Չնայած նրան, որ չի եղել առանձին հանդիպում, երկու երկրների ղեկավարները հնարավորություն են ստացել կարծիքներ փոխանակել Ուկրաինայում տիրող իրավիճակը, ինչպես նաև այդ երկրի արևելքի ճգնաժամի շուրջ: Պուտինն ու Օբաման անհրաժեշտ են համարել բռնությունների ու ռազմական գործողությունների շուտափույթ դադարեցումը»:
