Թուրքիայի ու Ադրբեջանի զինված ուժերը համատեղ զորավարժություն կանցկացնեն մոտ ժամանակներս. APA
Ադրբեջանական APA լրատվական գործակալության փոխանցմամբ՝ մոտ ժամանակներս պլանավորված է Ադրբեջանի ու Թուրքիայի զինված ուժերի ստորաբաժանումների համատեղ զորավարժությունների անցկացում: Այս մասին գործակալությանը հայտնել են ռազմական աղբյուրները:
Ադրբեջանը զորավարժությանը կմասնակցի գումարտակի, իսկ Թուրքիան՝ վաշտի մակարդակով: Զորավարժությունը կանցկացվի երկու երկրների միջև ռազմական համագործակցության մասին համաձայնագրի շրջանակներում: Զորավարժության անցկացման նպատակը երկու երկրների զինված ուժերի համագործակցության ու համատեղ գործունեության զարգացումն է: