Պորոշենկոն պլանավորել է երկրում կարգուկանոն հաստատել երեք ամսում
Ռուսական Коммерсантъ թերթի փոխանցմամբ՝ Ուկրաինայի նորընտիր նախագահ Պյոտր Պորոշենկոն պատրաստում է երկրում ստեղծված իրավիճակի կարգավորման պլան: Պորոշենկոն այդ պլանը ներկայացնելու է իր երդմնակալության ժամանակ, որը տեղի է ունենալու վաղը:
Նախագահի գլխավոր առաջադրանքն Ուկրաինայում երեք ամսում կարգուկանոնի հաստատումն է: Թերթի աղբյուրները պնդում են, որ պլանը բաղկացած է լինելու երեք մասից. երկրի ներսում երկխոսություն, միջազգային երկխոսություն և Ռուսաստանի հետ բանակցություններ:
Պլանի համաձայն, Ուկրաինայում պլանավորված է իրականացնել տեղական ինքնակառավարման խորը բարեփոխում և այդ հարցում օգտագործել լեհական փորձը: Պորոշենկոն պլանը ներկայացնելուց անմիջապես անց մեկնելու է Դոնբաս:
