Ուկրաինան պետք է կամրջի վերածվի Արևելքի ու Արևմուտքի միջև. Քերի և Լավրով
Ռուսական ИТАР-ТАСС լրատվական գործակալության փոխանցմամբ՝ Ուկրաինան պետք է կամրջի վերածվի Արևելքի ու Արևմուտքի միջև: Այս մասին Փարիզում երկկողմ բանակցություններից առաջ հայտարարել են ԱՄՆ պետքարտուղար Ջոն Քերին ու Ռուսաստանի արտգործնախարար Սերգեյ Լավրովը:
Վերջինս հայտարարել է, որ իրենք ցանկանում են Ուկրաինան տեսնել որպես խաղաղ ու կայուն պետություն, որպեսզի նրա քաղաքացիներն իրենց զգան հավասարապես պաշտպանված և հարգվեն նրանց իրավունքները:
Քերին իր հերթին հայտարարել է, որ Ուկրաինան պետք է վերածվի ոչ թե այլ երկրների դիմակայության զոհի, այլ՝ անկախ, ինքնիշխան պետության. «Մենք ցանկանում ենք, որ նա կամուրջ դառնա Արևելքի ու Արևմուտքի միջև»: Լավրովը նույնպես հաստատել է դա:
Լավրովի խոսքերով՝ Ռուսաստանը ցանկանում է, որ մյուս երկրները նույնպես, ինչպիսիք են Սիրիան, Իրաքը, Լիբիան, ապրեն խաղաղ:
