Բուլղարիան մտադիր է շարունակել «Հարավային հոսք» գազատարի կառուցումը
Deutsche Welle-ի փոխանցմամբ՝ չնայած Բրյուսելի կողմից պատժամիջոցների սպառնալիքներին՝ Բուլղարիան մտադիր է ամբողջովին կատարել ռուսական «Հարավային հոսք» գազատարի հարցում ստանձնած պարտավորությունները:
Բուլղարիայում իշխող Սոցիալիստական կուսակցության փոխնախագահ Դիմիտար Դաբովը կոչ է արել ցուցաբերել վճռականություն և վերջնական որոշում ընդունել «Հարավային հոսք» գազատարի կառուցման վերաբերյալ: Բրյուսելը երեկ Սոֆիային առաջարկել է կասեցնել խողովակաշարի բուլղարական հատվածի կառուցումը:
Ավելի վաղ՝ մայիսի 27-ին, Եվրահանձնաժողովի նախագահ Ժեզե Մանուել Բառոզուն հայտարարել էր, որ Եվրահանձնաժողովի կարծիքով՝ «Հարավային հոսք» գազատարի կառուցման համար Բուլղարիայի ստորագրած մի շարք համաձայնագրեր հակասում են ԵՄ-ի ներքին շուկայի կանոններին:
