Թուրքիայում վերացրել են YouTube-ի արգելափակումը
Թուրքական Sabah թերթի փոխանցմամբ՝ Թուրքիայի կապի ու հաղորդակցության վարչությունը երեկ վերացրել է YouTube վիդեոհոսթինգի արգելափակումը: Վարչությունն այդ որոշումն ուղարկել է համապատասխան պրովայդերներին: Նրանցից պահանջվում է որոշակի ժամանակ՝ սերվերների աշխատանքը վերակարգավորելու համար, որպեսզի օգտատերերը կարողանան ազատորեն բացել կայքը:
YouTube-ի ապաարգելափակումը տեղի ունեցավ այն բանից հետո, ինչ մայիսի 29-ին Թուրքիայի Սահմանադրական դատարանը պաշատոնապես որոշեց, որ նրա արգելափակումը հանդիսանում է քաղաքացիների՝ խոսքի ազատության իրավունքի խախտում: Թուրքիայում YouTube-ն արգելափակել էին մարտի 27-ին՝ կապված Սիրիայի վերաբերյալ Թուրքիայի ղեկավարության գաղտնի խորհրդաժողովի մանրամասները նրանում հրապարակելու հետ:
