Արևային մարտկոցներով Solar Impulse 2-ի առաջին թռիչքը հաջող է անցել (տեսանյութ)
Lenta.ru-ի փոխանցմամբ՝ արևային մարտկոցներով Solar Impulse 2 շվեյցարական ինքնաթիռն իրականացրել է իր առաջին թռիչքը, ինչի մասին հայտնի է դարձել այսօր: Թռչող սարքի թևերի բացվածքը կազմում է 72 մետր, այն կշռում է մոտ 2.3 տոննա:
Իր չափերով Solar Impulse 2-ը համեմատելի է Airbus А380 մարդատար խոշոր օդանավի հետ, սակայն շատ ավելի թեթև է նրանից: Պլանավորված է 2015 թվականին այդ թռչող սարքով իրականացնել շուրջերկրյա ճանապարհորդությունը, որը պետք է տևի երկու շաբաթից քիչ ավելի:
