Պորոշենկոն վաղը կհանդիպի Բրոնիսլավ Կոմորովսկու հետ
Ուկրաինական UNIAN լրատվական գործակալության փոխանցմամբ՝ Լեհաստանի նախագահ Բրոնիսլավ Կոմորովսկին վաղը երեկոյան Վարշավայում հանդիպելու է Ուկրաինայի նորընտիր նախագահ Պյոտր Պորոշենկոյի հետ: Այս մասին հայտնել է Լեհաստանի նախագահի մամլո ծառայությունը:
Պորոշենկոն պլանավորել է Կոմորովսկու հրավերով հունիսի 3-4-ին մեկնել Լեհաստան՝ մասնակցելու համար Լեհաստանի խորհրդարանի՝ առաջին մասնակի ազատ ընտրությունների անցկացման 25-ամյակի տոնմանը:
Այդ միջոցառումներին մասնակցելու են նաև մի շարք երկրների ղեկավարներ, այդ թվում նաև ԱՄՆ-ի նախագահ Բարաք Օբաման: Ոչ պաշտոնական հաղորդմամբ՝ Պորոշենկոն Վարշավայում պլանավորել է մի շարք երկկողմ հանդիպումներ, այդ թվում նաև ԱՄՆ-ի նախագահի հետ:
